Meshkujt të llojit “antechino”, një marsupial i vogël australian, janë të vetmit gjitarë që riprodhohen vetëm një herë në jetën e tyre.
Meshkujt e rinj jetojnë me nënat e tyre përtej shkëputjes nga gjiri dhe ata largohen nga familja dhe “transformohen”: nivelet e tyre të hormoneve seksuale (gonadotropinat) dhe stresi rriten, sistemi imunitar shembet (duke i ekspozuar ndaj sëmundjeve dhe parazitëve). Ata bëhen agresivë, ndalojnë së ngrëni, ndërpresin gjumin dhe në fund vdesin. Por në atë periudhë ata kanë vetëm një qëllim: çiftëzimin, që i jep gëzim të çmendur. Madje riprodhohen edhe për 12 orë me po aq femra.
Nëse është e nevojshme, ata luftojnë me meshkuj të tjerë për përparësi në çiftëzimin, pa pushim. Në vjeshtë të gjithë ndërrojnë jetë.
Edhe speciet e tjera kanë këtë sjellje. Kameleoni Labord nga Madagaskari jeton nga nëntori deri në shkurt ose mars: rritet, çiftëzohet, lëshon vezë dhe vdes.
Salmoni migron, duke notuar kundër rrymës për të arritur në destinacionin e tyre. Pasi vendosen vezët, femrat vdesin pothuajse menjëherë, ndërsa meshkujt jetojnë pak më gjatë për t’i mbrojtur ato.
Insektet gjithashtu nuk bëjnë përjashtim, bletët meshkuj ekzistojnë kryesisht për të bërë seks me bletën mbretëreshë. Ata çiftëzohen me radhë, pastaj vdesin ose vriten nga punëtorët.
