Trajneri portugez, Jose Mourinho, zbuloi një episod shumë kurioz që i ka ndodhur gjatë stërvitjes me mbrojtësin e Kombëtares Shqiptare, Marash Kumbulla.
Futbolli kuqezi i ka dhënë një shkelm të fortë portugezit, aq sa i është dashur ndihma e fizioterapistëve. Në profilin e tij në Instagram, Mourinho ka postuar një video ku shfaqet duke iu nënshtruar një trajtimi në këmbën e majtë.
“Nëse më shihni duke çaluar apo me shapka, duhet ta dini se K më ka shkelmuar”, ka shkruar portugezi, por duke e lënë gjithsesi “enigmë” personazhin që e kishte dëmtuar: “K RK apo MK?”, duke iu referuar një mes Karsdorpit dhe Kumbullës.
Pak minuta më vonë, pasi kishte pare reagimet në rrjetet sociale, Mourinho e zgjidhi gjëegjëzën:
“Pasi Karsdorp u sulmua në rrjetet sociale, më duhet të postoj këtë imazh dhe të them se Kumbulla është përgjegjës”.
Në postimin e Mourinhos ka reguar edhe Kumbulla, që shkruan shkurt: “Kapa topin mister”.
Ndërsa komentin më “me spec” e bën Lorik Cana: “Mourinho, Kumbulla kërkon të të nxjerrë jashtë formacionin titullar”!
View this post on Instagram
View this post on Instagram
