Atentat ndaj mbretit të Italisë dhe Shqipërisë dhe perandorit të Etiopisë, Viktor Emanueli III-të.
U qëndroi 10 ditë torturave. Më pas njw gjyq fashist i montuar e dënoi me vdekje 19 vjeçarin, me varje në litar….
…Vasil Laçi u përpoq të vrasë mbretin e Italisë dhe pushtuesin e fronit të Shqipërisë Viktor Emanueli III si dhe Shefqet Bej Vërlacin, Kryeministër i Shqipërisë, pas pushtimit të Shqipërisë nga Italia fashiste. Ai u lind në fshatin Piqeras në Shqipërinë jugore, afër qytetit të Sarandës në në 15 shtator 1922 . Fëmijërinë e kaloi në Piqeras, ku mësoi shkollën fillore lokale. Pas mbarimit të shkollës fillore shkon në Tiranë me ëndrrën për të vazhduar shkollën, por kushtet e vështira ekonomike e penguan dhe e detyruan të fillonte punën akoma i mitur. Në Tiranë ai zhvilloi marrëdhënie me grupet patriotike dhe ka ndihmuar disa nga anëtarët e tyre të shpëtuar nga trupat italiane dhe policia. Punoi herë shërbëtor e herë argat. Në fund shërbeu në Hotel Internacional ku kishte filluar punë dy javë përpara se të kryente atentatin.
Atentati
Viktor Emanueli III kishte planifikuar një vizitë në Shqipëri që prej 12 prillit 1941 dhe një muaj më pas e kreu këtë vizitë, pasi u sigurua nga policia fashiste italiane e Tiranës se ishin marrë të gjitha masat e sigurisë. Laçi merr vesh për vizitën e Viktor Emanuelit në Shqipëri pesëmbëdhjetë ditë para ardhjes së tij, më 2 maj, 1941. Më pas, arriti të gjejë një punë në International Hotel, ku Viktor Emanueli do të qëndrojë, dhe te marrë hua një pistoletë M1915 Beretta nga Pëllumb Koka, një tjetër patriot shqiptar. Më 17 maj, 1941, 19-vjeçari Vasil Laçi i veshur me një kostum kombëtar shqiptar ka shtirë mbi makinën e cila transportonte Viktor Emanueli III dhe Shefqet Bej Vërlacin, Kryeministër i Shqipërisë i shoqëruar nga ministrat e qeverisë. Ai qëlloi pesë herë në drejtim të tyre, por pa mundur të vrasë perandorin. Laçi u arrestua menjëherë dhe u ekzekutua me varje dhjetë ditë më vonë. Për të parandaluar zemërimin e njerëzve dhe shtyrjen e tyre në kryengritje të mundshme, qeveria fashiste italiane ia atribuoi sulmin e tij çështjeve ekonomike, se gjoja e kishte me Shefqet Bej Vërlacin.
Nderimi
Iishte nga të parët që do t’i jepet pas vdekjes prej qeverisë komuniste titulli Hero i Popullit të Shqipërisë. Përpjekja e tij për vrasjen e perandorit së pari u shkrua si një libër dhe më pas si një film i prodhuar në 1980, me titullin “Plumba Perandorit”. Në nderim të veprës së tij, në Tiranë është ngritur një bust i krijuar nga skulptori Kristaq Rama. Gjithashtu një basoreliev për të nderuar veprën e tij ndodhet në rrugën e Durrësit. Presidenti Ilir Meta ka vlerësuar “Heroin e Popullit” Vasil Laçi (pas vdekjes) me “Dekoratën e Flamurit Kombëtar”.
