Finalja e Champions League për femra, e ardhmja e Mbappe apo dhe çështjet e tjera të merkatos janë në fokus të gazetave kryesore sportive ditën e sotme.
Më poshtë titujt kryesorë të tyre:
“Lavdia ju pret”, shkruan “SPORT”, e cila i kushton faqen e parë ekipit të femrave të Barcelonës, që luan sot ndaj Lyonit finalen e Champions League.
Për të njëjtën gjë flet edhe “MUNDO DEPORTIVO”, e cila me lojtaret e Barçës në sfond mban titull kryesor: “Një varkë tjetër”
“Triumfi kërkon qetësi” shkruan “L’Esportiu” duke tentuar të heqë presionin nga skuadra katalanase.
“MARCA” mban në faqen e saj të parë Mbappe, i cili mban në ankth PSG dhe Real Madrid, me parizienët që duan ta mbajnë në Paris, ndërsa madrilenët të bëjnë goditjen e madhe të merkatos. “Kylian, dyshimet ofendojnë”, shkruan prestigjozja spanjolle.
“Mes zjarrit” shkruan “AS” për çështjen “Mbappe”, me sulmuesin i cili është në ankth dhe i pavendosur për të ardhmen.
“Vendimi” është titulli i “L’Equipe” që sigurisht nuk mund ta linte jashtë fokusit kryesor të ardhmene e Kylian Mbappe, me 23-vjeçarin francez që nesër në orën 17:00 do të zbulojë të ardhmen e tij.
“Mirror Sport” flet për Evertonin e Lampard që siguroi zyrtarisht qëndrimin në Premier League dhe mban titullin: “Huh, ja dolëm!”
“Pogba ka zgjedhur Juven” është titulli i “La Gazzeta dello Sport”, e cila ndan lajmin e bujshëm të merkatos.
“Milani amerikan” është titulli kryesor i “Corriere dello Sport”, e cila flet për negociatat e shitjes së klubit kuqezi, që përveç titullit kampion, janë pranë shitjesh tashmë tek fondi “RedBird”. Ndërkohë, “Corriere” shkruan edhe për fitoren e Romës
Ndërkohë, e përditshmja torineze “Tuttosport” flet për afrimet e mundshme të Pogba dhe Di Maria tek Juventusi me titullin: “Një Juve më e fortë”
