Nuredin Dumani dhe Henrik Hoxhaj vendosën të bashkëpunonin me drejtësisë, duke ‘fundosur’ 8 banda kriminale që vepronin në vendin tonë.
Kjo duket se ka bërë që të nisë ‘hakmarrja’, ndërsa mësohet se familjet e dy të penduarve janë marrë në mbrojtje nga drejtësia. Dumani dhe Hoxhaj rrëfyen gjithçka për mënyrën se si organizoheshin vrasjet, duke hedhur dritë mbi disa nga ekzekutimet më të bujshme në vend.
Pas dëshmive të tyre, SPAK organizoi operacionin “plumbi i artë”, që çoi në pranga 18 persona dhe shpalljen në kërkim të 14 të tjerëve.
Dumani dhe Hoxhaj ishin bashkëpunëtorë të këtyre 8 bandave që vepronin në Tiranë, Elbasan, Durrës dhe Lezhë, dhe në këmbim të shumave marramendëse të parave ata vepronin si vrasës.
