Revista amerikane Forbes ka zbuluar planin e ISIS për të kontrabanduar vrasës në SHBA për të vrarë ish-presidentin George W. Bush në Dallas. Plani u zbulua nga dy informatorë sekret, përmes vëzhgimit të llogarive në Whatsapp.
Sipas Forbs, një person i lidhur me ISIS në SHBA po planifikonte të vriste George W. Bush-in, duke shkuar aq larg sa të udhëtonte në Dallas në nëntor për të bërë video rreth shtëpisë së ish-presidentit dhe duke rekrutuar ndihmë nga një ekip bashkatdhetarësh që ai shpresonte t’i fuste ilegalisht në vend. Forbes zbulon se personi i lidhur me ISIS do të sillte në SHBA njerëzit e tij përmes kufirit meksikan.
FBI tha se zbuloi skemën përmes punës së dy informatorëve konfidencialë dhe mbikëqyrjes së llogarisë së komplotistit të dyshuar në platformën e mesazheve WhatsApp në pronësi të Meta. Operativi i supozuar i ISIS, me bazë në Columbus, Ohio, tha se donte të vriste Bushin sepse mendonte se ish-presidenti ishte përgjegjës për vrasjen e shumë irakianëve dhe copëtimin e vendit pas pushtimit ushtarak të SHBA-së në vitin 2003, sipas urdhër-arrestit.
Rasti tregon se si hetuesit federalë vazhdojnë të monitorojnë kërcënimet nga ISIS edhe pse grupi është dobësuar rëndë nga inteligjenca dhe operacionet ushtarake amerikane në vitet e fundit.
Burimet thonë se përmes WhatsApp mësuan se gjatë viteve 2021 dhe 2022, po regjistroheshin fshehurazi takimet personale me komplotistin e dyshuar në të cilin u zbuluan detaje shtesë befasuese. Në një bisedë nga dhjetori, i dyshuari pretendoi se sapo kishte kontrabanduar dy individë të lidhur me Hezbollahun – një organizatë terroriste, sipas SHBA-së – në SHBA për një tarifë prej 50,000 dollarë secili.
