Një tjetër incident është regjistruar në Tiranë, ku një grup tifozësh holandezë janë përplasur me efektivët te ura e Drejtorisë së Policisë.
Tifozët holandezë të grupuar në zona të ndryshme të Tiranës janë përplasur me policinë në mënyrë të dhunshme.
Në ndihme të policisë vendore, po ndërhyjnë grupe të FNSH, ndërsa një grup i tyre po lëvizin drejt sheshit “Skënderbej”.
Një tjetër situatë e rëndë përplasjeje është te ura e Drejtorisë së Tiranës, ku një grupim po kundërshton forcat e policisë Ata kanë lënduar edhe një polic me sende të forta.
Rreth 200 tifozë holandezë të pajisur me shkopinj e gurë, po përplasen me policinë, tek rruga “Mustafa Matohiti”.
Si pasojë e përplasjes një polic ka mbetur i dëmtuar. Grupi i tifozëve holandezë ishte nisur drejt stadiumit aty ku janë edhe tifozët e Romës, ndërsa policia ka ndërhyrë duke neutralizuar situatën.
