Tirana pret sot një eveniment historik për Shqipërinë, finalen e Ligës së Konferencës e cila luhet mes Romës dhe Feynordit në orën 21:00 në stadiumin “Air Albania”.
Një ngjarje e rëndësisë së madhe që nuk kishte ndodhur më parë në vendin tonë.
Kur jemi afro dy orë nga starti i ndeshjes, atmosfera në ambientet e jashtme të “Air Albania”-s duket e qetë, teksa shihen grumbujt e të dy tifozerive në radhë për t’u futur në stadium.
Por edhe pse pa biletë për në “Arenën Kombëtare”, një pjesë e madhe e tyre do e ndjekin sfidën nga tre fan zonat e kryeqytetit. Ata shihen me bandarola të mëdha, fishekzjarre dhe tymuese.
Roma dhe Feyenoord luajnë sot në 21:00 për finalen e Conference League në Tiranë. Sfida është e shumëpritur, me tifozët nga Italia dhe Holanda që kanë pushtuar Tiranën.
