Pasuria neto e miliarderit të teknologjisë Elon Musk ka rënë nën 200 miliardë dollarë pasi aksionet e Tesla së fundmi arritën në nivelin më të ulët të 11 muajve. Sipas The Economic Times, Musk ka humbur rreth 77.6 miliardë dollarë nga pasuria e tij neto nga nisja e 2022-shit deri më sot. Aksionet e Tesla-s kanë qenë nën presion të jashtëzakonshëm kohët e fundit, me aksionet që kanë rënë rreth 40 për qind që nga fillimi i vitit.
Pasuria neto e Musk ka marrë një goditje të konsiderueshme si rezultat. Sipas Indeksit të Miliarderëve të Bloomberg, pasuria neto e Musk qëndron në 193 miliardë dollarë, që nga 25 maji. Megjithatë, Musk është ende personi më i pasur në botë për nga vlera neto.
Rivali i tij më i afërt, themeluesi i Amazon, Jeff Bezos , aktualisht është i listuar me një vlerë neto prej 128 miliardë dollarësh. Ngjashëm me Musk, pasuria neto e Bezos gjithashtu ka marrë një goditje të konsiderueshme këtë vit, duke rënë me 64.6 miliardë dollarë. Musk dhe shokët e tij multimiliarderë kanë parë tkurrjen e pasurisë së tyre neto këtë vit. Në përgjithësi, 50 njerëzit më të pasur në botë, duke përfshirë Bill Gates dhe Mark Zuckerberg, kanë humbur një total prej gjysmë trilion dollarësh në pasuri që nga fillimi i vitit.
