Ndryshime në qeveri! Hantin Bonati është emëruar sërish zëvendësministër i Infrastrukturës dhe Energjisë. Vendimi është marrë nga Këshilli i Ministrave.
Kujtojmë që Hantin Bonati e ka mbajtur edhe më herët postin e zv.ministrit të Infrastrukturës, por më 2 qershor të vitit 2021 u lirua nga detyra dhe u vendos në krye të AlbControl.
Vendosja e tij në krye të AlbControl erdhi pasi situatës të vështirë në ‘Albcontrol’, për shkak të protestës së kontrollorëve që bllokuan trafikun ajror.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, ‘Për organizimin dhe funksionimin e Këshillit të Ministrave’, me propozimin e Kryeministrit, Këshilli i Ministrave. V E N D O S I: Z. Hantin Bonati emërohet zëvendësministër i Infrastrukturës dhe Energjisë. Ky vendim hyn në fuqi menjëherë”, thuhet në vendim.
