Gazetari Roberto Saviano ka publikuar një video me imazhet dhe identitetet e fëmijëve që humbën jetën si pasojë e sulmit në një shkollë në Teksas.
Saviano e ngren problematikën se sa lehtë një i ri mund të armatoset ditët e sotme, aq më tepër në një vend si SHBA, ku trazira të kësaj natyre kanë qenë tepër të shpeshta.
“Një shtet që armatos këdo, është përgjegjës për një luftë të përditshme të përhershme.” , shkruan Saviano ndër të tjera.
Postimi i plotë:
“Xavier, Amerie, Uziyah, Rogelio, Eliahana, Annabell, Eliahna, Jose, Makenna, Alexandria, Jackie, Alithia, Jailah, Jayce, Maite, Miranda, Tess, Nevaeh, Layla. Më i madhi prej tyre ishte 11 vjeç.
Ka histori në këta emra. Botë të pakufishme, pasione të pafundme ende për t’u zbuluar. Këta fëmijë shkuan në shkollë, një vend që mban dhe kujdeset, dhe ja ku u pushkatuan. Së bashku me ta vdiqën mësueset Irma Garcia dhe Eva Mireles.
Në orët e fundit një tjetër nxënës i armatosur është arrestuar pranë një shkolle, po në Teksas. Këtu çon politika e armëmbajtjes pa leje. Një shtet që armatos këdo, është përgjegjës për një luftë të përditshme të përhershme.”, shkruan Saviano.
