Në homazhe për të nderuar kujtimin e ish-Presidentit të Republikës Bujar Nishani ka marrë pjesë dhe deputetja e PD-së Grida Duma si dhe deputetët Ervin Salianji dhe Agron Gjekmarkaj.
Ata i kanë shprehur ngushëllime familjes së ish-Kreut të Shtetit dhe më pas kanë kryer nderimet e fundit pranë arkëmortit.
Ish-presidenti Nishani u nda nga jeta parakohe në moshën 55-vjeçare pas disa komplikimeve shëndetësore për shkak të COVID-19 më 28 maj. Ditën e djeshme trupi i tij mbërriti në atdhe nga Gjermania ku ndodhej për kurim dhe sot do t’i jepet lamtumira e fundit.
