Daniele Bedini, 32 vjeç, është personi i arrestuar ditën e sotme nga Policia italiane, pasi dyshohet si autori i krimit të dyfishtë në Itali, ku mbeti e vrarë 35-vjeçarja shqiptare, Nevila Pjetri, dhe një transeksual.
Sipas medieve italiane Bedini, një zejtar me precedentë penalë për grabitje. Pas arrestimit ai ka mohuar të jetë autor i këtyre dy krimeve të rënda, duke thënë se është i pafajshëm.
“Jam i pafajshëm”, mësohet të ketë thënë para policisë i riu. Ngjarja e parë që u zbulua ishte vrasja e 35-vjeçares shqiptare, e cila u gjet e vrarë në orët e para të së dielës në shtratin e lumit Parmignola në Marinella di Sarzana, ndërsa ishte vrarë me një plumb në kokë.
Hetuesit dyshojnë se 32-vjeçari mund të ketë kryer vrasjen e transeksualit, për të eliminuar personin që e kishte parë 2 ditë më parë teksa shqiptarja futej në makinën e Bedinit.
