Nga “Daily Star” raportohet se një futbollist i njohur gjerman është arrestuar ditën e sotme në Ibiza. Po sipas burimit në fjalë raportohet se lojtari është arrestuar pasi dyshohet se ka abuzuar me një adoleshente.
Futbollisti luan në Bundesligë, ndërsa thuhet se është arrestuar nga autoritetet spanjolle, teksa raportojnë se vajza për të cilën akuzohet se ka kryer marrëdhënie është vetëm 18-vjeçe.
E gjithë ngjarja ka ndodhur në vilën San Jose, vajza në fjalë thuhet se kishte shkuar te një spital aty afër.
Emri i futbollist të arrestuar nuk është bërë ende i ditur, por thuhet se bëhet fjalë për një futbollist të njohur, i cili aktivizohet te një nga klubet e mëdha të Bundesligës.
Përveç futbollistit deri më tani të panjohur, raportohet se për këtë rast është arrestuar edhe një person tjetër. Dy të arrestuarit janë me shtetësi gjermane.
Autoritet spanjolle kanë nisur hetimet lidhur me këtë rast. Sulmi i dyshuar seksual raportohet të ketë ndodhur gjatë orëve të para të mëngjesit të së mërkurës, megjithatë, ende nuk është e qartë nëse të arrestuarit janë paraqitur tashmë në seancën gjyqësore.
