Një 62-vjeçare shqiptare është gjetur e vdekur në banesën e saj ditën e sotme, në Athinë, Greqi.
Sipas policisë greke, viktima ka plagë dhe shenja dhune, ndërsa porta e banesës ishte e mbyllur dhe nuk kishte shenja thyerje prandaj autoritetet greke dyshojnë se krimi është kryer prej bashkëshortit të viktimës, i cili nuk është gjendur në banesë.
Një fqinj shqiptar thotë se gruaja ishte njeri shumë i mirë dhe se kishte ngelur i habitur nga ngjarja.
“Jam nga Korça, e njihja Mirandën dhe Dhimitrin, i ndihmoja me ushqime e me këto, grua shumë e mirë, s’di ça të them kam ngelur pa fjalë”, tha ai.
Viktima është identifikuar si Miranda dhe është nga Fieri. Nga ana tjetër, bashkëshorti i saj, Dhimitri ishte nga Bilishti i Korçës dhe kishte probleme me alkoolin. Zënkat mes çiftit ishin të shpeshta kohët e fundit, ndërsa jetonin pa leje qëndrimi në Greqi.
