Sfidat e Uefa Nations League si dhe merkato e klubeve të mëdha europiane janë në fokus të gazetave më të njohura sportive.
Më poshtë titujt kryesorë të tyre:
“Nga Malaga në krye të grupit” shkruan “AS”, pasi Spanja kaloi në krye të grupit A të Ligës së Kombeve, me një fitore mbresëlënëse 2-0 ndaj Republikës Çeke në Malaga, duke përfituar nga disfata e Portugalisë në Zvicër.
Për fitoren e Spanjës ndaj Republikës Çeke rezervon faqen e saj të parë dhe “SPORT”, e cila mban titullin: “Liderët”.
Ndërkohë, “Mundo Deportivo” e quan triumfin e “La Rojas” si një dopietë perfekte, që i dha kombëtares së Enrique kryesimin e grupit.
“Festat e fundvitit” është titulli i “Marca” për kryesimin e kombëtares spanjolle në Nations League.
“Asnjë armëpushim” është titulli i “L’Esportiu”, që shkruan për përballjen me Barcelonës dhe Real Madrid në basketboll.
“Rrezik i kuq” është titulli i “Mirror Sport”, që i referohet kombëtares angleze dhe veçanërisht dyshen e Manchester United, Sancho dhe Rashford, të cilët trajneri Southgate i ka paralajmëruar se duhet të djersisin shumë për tu marrë në botëror.
“Gënjeshtar i mirë” është titulli i “L’Equipe”, e cila flet për kombëtaren franceze me fokusin tek Mbappe dhe Nkunku para sfidës me Kroacinë.
“Milani për një 10-ësh” është titulli “La Gazzetta dello Sport” që i kushton faqen e parë merkatos së kuqezinjve.
Edhe “Corriere dello Sport”, ka po ashtu në fokus merkaton e kuqezinjve dhe kryesisht objektivin Asensio, për të cilin duhet të sfidohen me Arsenal dhe Manchester United.
“Pogba, Dovbyk, Dybala, si do të përfundojnë?” është titulli i “Tuttosport” që ka në fokus merkaton e klubeve italiane dhe atë të Juventusit kryesisht.
