Vrasja e Elenës 5-vjeçare nga nëna e saj tronditi Italinë, ndërsa ngjarja është ende e mbuluar me mister.
Martina Patti, 23 vjeç tha se e goditi me thikë në vendin ku u gjet e varrosur, megjithatë, karabinierët nisën hetimet pasi aty nuk u gjetën shenja gjaku. Po ashtu dhe në banesë deri tani nuk është gjetur asnjë gjurmë gjaku. Hetuesit kanë dyshime se 23-vjeçarja mund ta ketë vrarë vajzën diku tjetër dhe më pas dikush ta ketë ndihmuar për ta fshehur trupin.
Në skenën e krimit u gjet një jastëk në formë zemre me dizajnin e një kukulle të shoqëruar me një shënim që ngriti më shumë dyshime.
“Nuk e di pse nëna juaj vendosi t’ju bënte këtë. Edhe unë jam nënë dhe e dua vajzën time më shumë se çdo gjë në botë. Mos mendo se ajo nuk të donte sepse të largohesh me këtë kujtim është e tmerrshme.”- thuhej në letër.
