Filozofi i njohur bjellorus, Uladzimer Matskevich, është dënuar me pesë vjet burg për pjesëmarrjen e tij aktive në ngjarjet publike që vënë në dyshim rezultatet zyrtare të zgjedhjeve presidenciale të gushtit 2020 që i dhanë fitoren sundimtarit autoritar Alyaksandr Lukashenko.
Gjykata rajonale e shpalli fajtor Matskevich për pjesëmarrje në ngjarje të paligjshme që prishin rendin shoqëror, krijimin e një grupi ekstremist dhe fyerjen e Lukashenkos në internet.
Ai ishte arrestuar në gusht të vitit të kaluar, teksa ngriti akuzat se rezultati i zgjedhjeve ishte manipuluar. Më herret teksa ishte në qeli, ai nisi një grevë urie dy-javore, duke kërkuar një transferim në arrest shtëpiak, por kërkesa e tij u shpërfill nga autoritetet bjelloruse.
Bashkë me të ishte arrestuar dhe një gazetare bjelloruse në qytetin juglindor të Homel, Iryna Slaunikava, e cila doli në gjyq me akuzat për drejtimin e një grupi ekstremist dhe organizimin e aktiviteteve që prishin rendin shoqëror.
Slaunikava u arrestua fillimisht së bashku me bashkëshortin e saj, Alyaksandr Loyka, në fund të tetorit. Çifti u dënua me 30 ditë burg për akuzat e shpërndarjes së materialeve ekstremiste dhe huliganizmit të lehtë.
Lukashenko, tashmë 67 vjeç, është në pushtet që nga viti 1994, dhe ka forcuar pushtetin e tij në vend që nga zgjedhjet e vitit 2020, duke arrestuar dhjetëra mijëra njerëz. Nga frika për sigurinë e tyre, shumica e anëtarëve të opozitës janë detyruar të largohen nga vendi. Ai është shfaqur dhe si aleat i liderit rusVladimir Putin, të cilin duket se e kopjon për regjimi ne tij totalitar.
