Një kryebashkiak meksikan është martuar me një krokodil që kishte veshur një fustan nusërie.
Kryetari i bashkisë së San Pedro Huamelula, Victor Hugo Sosa, u martua me krokodilin si pjesë e një rituali të vjetër indigjen për të sjellë bollëk në fshatin në Meksikën jugperëndimore.
Zvarraniku shtatë vjeçar, i referuar si Princesha e Vogël, besohet të jetë një hyjni që përfaqëson Nënën Tokë dhe martesa e saj me udhëheqësin lokal simbolizon bashkimin e njerëzve me hyjnoren.
Një ceremoni tradicionale shoqëroi dasmën e pazakontë ku nuk kishin si të mungonin edhe rite të tjera indigjene. Goja e krokodilit të vogël u lidh për të shmangur kafshimin e padëshiruar pasi kryetari e puthi atë disa herë gjatë gjithë ceremonisë.
