Lëvizjet e fundit në merkato kanë pushtuar faqet e para të mediave sportive ditën e sotme.
Më poshtë titujt kryesorë të tyre:
“Basti Raphinha” është titulli i “Sport”, që shpjegon situatën e brazilianit, i cili ishte thuajse lojtar i Chelsea, por ndërhyrja e Barcelonës ka ndryshuar gjithçka.
“Sfidat e Valverde” është titulli i “Mundo Deportivo”, për rikthimin e ish-trajnerit të Barcelonës në krye të Athletic Bilbao.
“Vinicius tashmë është galaktik” është titulli i “AS”, që publikon pamjet e yllit brazilian duke shijuar pushimet.
Edhe “Marca” vendos fokusin tek pushimet e anësorit madrilen, pushime të cilat kanë shije tjetër pas fitores së La Liga dhe Champions League. “Deti i lumturisë” është titulli i të përditshmes madrilene.
“Rikthehet e e verdha” është titulli i “L’Esportiu”, që flet për fitoren e çiklistit belg Yves Lampaert , në Turin 2022.
“Tudor, gati të lirohet nga prangat” është titulli i “L’Equipe” me trajnerin kroat që mund të braktisë Verona-n dhe të zëvendësojë Sampaolin tek Marseille.
“Çfarë pagese për Salah” është titulli i “Mirror Sport”, me yllin egjiptian që vendosi të qëndrojë tek Liverpool.
“Derbi për La Joya” është titulli i “La Gazzeta dello Sport”, e cila mban në fokusin derbin Milan-Inter në merkato për të firmosur me Paulo Dybala.
Edhe “Corriere dello Sport” në faqen e parë flet përsëri për merkaton dhe një tjetër ‘derby’. “Duel Milan-Juve për Berardin dhe Zaniolon”, është titulli i saj.
“TuttoSport” fokusohet tek merkato e klubit bardhezi dhe shkruan “Juventus, në sulm për një zëvendësues të Vlahovic”.
