Kryeministri Edi Rama në një konferencë për shtyp me homologun holandez, Mark Rutte u shpreh se ai e mësoi se si të dashuronte Europën, duke u nisur nga mbështetja që ka shprehur për integrimin e Shqipërisë dhe Maqedonisë së Veriut.
“Është një dhuratë e vërtetë të jesh sot këtu, pres darkën me Markun për ditëlindjen time. Ka më shumë përvojë. Ne punojmë së bashku në Samitin e NATO-s, mendoj se theva rekordin e fjalimit më të shkurtër pasi Marku e tha gjithçka që doja të thoja për Ukrainën. Nuk ka asgjë për t’i shtuar kësaj. U bëra xheloz për fjalimin që mbajti ai, pasi doja ta mbaja unë. Doja të shpreh mirënjohjen për Holandën, kombinimin e qëndrimit të tyre të rreptë që në fakt ishte nervozues derisa e kuptuan. Ne kuptuam se Holanda ishte serioze lidhur me kriticizmin e saj, por edhe Holanda e kuptoi se ne ishim seriozë.
Falë këtij raporti dypalësh, ne shohim më shumë nga Holanda në vendin tonë. Renditet mes investuese më të mëdhenj në vend. Me shpresë presim me padurim një lajm të mirë në fillim të vitit tjetër falë të një eksplorimi që kompania Shell po bën në vendin tonë për energjinë dhe burimet e reja. Në të njëjtën kohë presim të shohim të materializuar raportin mes aeroportin e Tiranës dhe atë të Holandës.
Jam shumë mirënjohës, për përpjekjet e tij serioze për të shtyrë Ballkanin Perëndimor drejt Europës, për të shtyrë Maqedoninë e Veriut dhe Shqipërinë. Marku më mësoi që të dashuroj Europën, sepse është një dashuri e ashpër” – tha Rama.
