Zërat e fundit në merkato kanë qënë kryesisht në faqet e para të mediave sportive për ditën e sotme.
Më poshtë ndjekim disa nga titujt kryesorë të tyre:
“Shpërthimi i Mourinhos, jam i frustruar” shkruan gazeta italiane “Corriere dello Sport”, pasi dukes se Mourinho ka humbur durimin dhe pret vendimin përfundimtar të Zaniolos, nëse do të qëndroj apo do të largohet.
“Juventus, ju zgjodha për të fituar” ka qënë kryeartikulli i “Tuttosport”, duke vendosur fjalët e Di Marias, i cili u shpreh shumë i lumtur dhe optimist pas arritjes në Torino.
Katalanasja “Sport” shkruan “Lewandowski i nxehtë”, duket se marrëveshja e polakut me klubin katalanas është më afër se kurrë.
“Lewa dhe De Jong afër” është titulli i “Mundo Deportivo”. Ajo shkruan se transferimi i Lewandowskit është afër por duket se dhe largimi i De Jong drejt United është afër.
“Unë dua unazën e kampionatit, jo lojtarin më të mirë” ka thënë basketbollisti Luka Doncic. Ky është titulli i prestigjozes “Marca” për ditën e sotme.
“Blu është ngjyra e re e Lewas” ka shkruajtur anglezja “Mirror Sport”. Chelsea është ekipi më i ri i cili i është bashkëngjitur garës per polakun. Chelsea është gati të paguaj por pret aprovimin e lojtarit.
Gazeta romane “il Romanista” e ka vendosur fokusin e saj tel objektivi i fundit i ekipit të Romës dhe ka si titull kryesor “Dybala së shpejti tek ujqërit”.
