Rrahën dhe grabitën 62-vjeçarin, arrestohen dy të rinjtë

113 563 lexime

124,178FansaPëlqeje

Dy të rinj nga Tirana janë arrestuar në Dibër, pasi kanë grabitur një 62-vjeçar. Në pranga janë vënë G. S., 25 vjeç, banues në Dibër dhe A. T., 20 vjeç, banues në Tiranë, për veprën penale “Vjedhja me dhunë”,  kryer në bashkëpunim.

Sipas policisë, këta të fundit në qytetin e Peshkopisë i kishin marrë me dhunë një shumë parash shtetasit M. Gj., 62 vjeç, duke i shkaktuar dëmtime në trup, dhe më pas ishin larguar me shpejtësi me automjet.

Policia është vënë në ndjekje të tyre dhe bënë të mundur arrestimin. Gjithashtu “blutë” kanë sekuestruar shuma e parave 364.000 lekë të rinj, që i morën me dhunë 62-vjeçarit.

Njoftimi i policisë:

Dibër/Finalizohet operacioni policor i koduar “Vapori”.

I morën me dhunë një shumë parash, një shtetasi, falë reagimit në kohë, veprimeve hetimore të shpejta dhe profesionale, si dhe ndjekjes së pandërprerë, në kuadër të operaconit “Vapori”, Policia kap dhe arreston brenda pak orësh 2 autorët e dyshuar.

Sekuestrohet shuma e parave 364.000 lekë të rinj, që i morën me dhunë 62-vjeçarit, si dhe automjeti me të cilin u larguan autorët e dyshuar.

Pas marrjes së njoftimit se në sheshin “Vapori”, në qytetin e Peshkopisë, dy shtetas të paidentifikuar kishin zbritur nga makina dhe i kishin marrë me dhunë një shumë parash shtetasit M. Gj., 62 vjeç, duke i shkaktuar dëmtime në trup, dhe më pas ishin larguar me shpejtësi me automjet, shërbimet e Drejtorisë Vendore të Policisë Dibër dhe ata të Komisariateve të Policisë Dibër dhe Bulqizë, janë vënë menjëherë në ndjekje të autorëve të dyshuar.

Si rezultat i reagimit në kohë, punës së mirorganizuar dhe bashkëpunimit të strukturave të Policisë, u bë i mundur identifikimi i 2 autorëve të dyshuar dhe lokalizimi i automjetit me të cilin ata po qarkullonin.

Në kuadër të operacionit policor “Vapori”, shërbimet e Policisë bënë të mundur që pas disa orësh ndjekjeje, të kapnin, në aksin rrugor Peshkopi-Bulqizë, 2 autorët e dyshuar, të cilët udhëtonin me një mjet tip “Fiat”, në të cilin, gjatë kontrollit, Policia gjeti dhe sekuestroi edhe shumën e parave (364.000 lekë të rinj), që i morën me dhunë shtetasit M. Gj.

Në përfundim të veprimeve të para hetimore është bërë arrestimi në flagrancë i autorëve të dyshuar:

G. S., 25 vjeç, banues në Dibër dhe A. T., 20 vjeç, banues në Tiranë, për veprën penale “Vjedhja me dhunë”, kryer në bashkëpunim.

Materialet procedurale iu referuan Prokurorisë, për veprime të mëtejshme.

Të fundit

PD rrezikon të dalë parti e 3-të! Berisha nuk u prit në Gjermani nga emigrantët

Juristi Kreshnik Spahiu u shpreh se opozita është e përçarë dhe e dobët, teksa e vetmja mënyrë se si...

Më 2024 u mblodhën 659 mln € më shumë se më 2023, zhvlerësimi i euros ndikoi negativisht

Miliona euro më shumë fitoi arka e shtetit në vitin që lamë pas. Miliona euro më shumë se në 2023-shin arritën të mblidhnin administrata tatimore dhe...

Aktiviteti sizmik në Santorini, ekspertët ngrenë shqetësime për një shpërthim vullkanik

Mbi 380 tërmete janë regjistruar në zonën detare midis Thira dhe Amorgos që nga 24 janari, duke rritur shqetësimet për një shpërthim të mundshëm...

Rama t’i thotë rinisë pse çmimet e ushqimeve janë më të shtrenjta se në Gjermani!

Kryeministri Edi Rama i ka vënë syrin mandatit të pestë nëpërmjet mandatit të katërt që sipas projeksioneve dhe sondazheve do të fitojë më 11 Maj. Qëllimi i...

BE do të ‘përgjigjet me forcë’ nëse Trump vendos tarifa doganore

BE ka shprehur keqardhje për vendimin e Presidentit të SHBA-ve, Donald Trump, për të vendosur tarifa të gjera doganore ndaj Kanadasë, Meksikës dhe Kinës, dhe...

Lajme të tjera

Web TV