Një turist serb me inicialet si G.S ka ndërruar jetë në majat e thepisura të Valbonës si pasojë e infarktit. Ka qenë një turiste serbe e cila ka telefonuar duke thënë se në vendin e quajtur “Maja e grykave të hapura”, Valbonë, duke eksploruar zonën me një grup turistësh, njëri prej tyre, G. S., kishte ndërruar jetë.
Ndërkohë që ngjarja ka ndodhur pasditen e sotme, në media është bërë publike pamjet se si helikopteri është duke transportuar trupin e pajetë të turistit serb.
Nga ana tjetër bëjmë me dije se turistët e tjerë kanë mbetur të bllokuar dhe për pasojë Shërbimet e Komisariatit të Policisë Tropojë, së bashku me ekipin mjekësor të spitalit të Tropojës, janë nisur drejt adresës së dhënë.
