Sherr mes disa personave në Gjirokastër, 29-vjeçari në rrezik për jetën

Një person është plagosur me sende të forta në Gjirokastër, pas një konflikti të çastit.

Mësohet se 29-vjeçari Lorenc Dida ndodhet në gjendje të rëndë pasi u plagos në krahë dhe këmbë në afërsi të shkollës së Mesme Pedagogjike në Gjirokastër.  Ai u transportua për të marrë ndihmën mjekësore në Spitalin Rajonal Gjirokastër, ndërsa autori ka arritur të largohet.

“Rreth orës 12:00, në lagjen “11 Janari”, Gjirokastër, pas një konflikti të çastit, shtetasi P. K., ka goditur me sende të forta shtetasin L. D., i cili u transportua për të marrë ndihmën mjekësore në Spitalin Rajonal Gjirokastër. Vijon puna intensive për kapjen e shtetasit P. K.“, sipas policisë.