Masakra e Fushë-Krujës që la të vdekur tre persona ditën e djeshme në mes të ditës në një zonë me mbingarkesë lëvizjesh ka ngritur më këmbë Policinë e Shtetit, e cila prej ditës së djeshme po kryen veprime intensive për zbardhjen e ngjarjes, kur ende nuk ka asnjë të dyshuar.
Por dyshime për aftësinë e autorëve nuk ka. Sipas BW, saktësia në qitje, mënyra e daljes nga makina të tre në mënyrë simetrike të bën të dyshosh që ekzekutorët të jenë ish-pjesëtarë të forcave speciale. Kjo duket nga organizimi tyre edhe nga qetësia e saktësia e veprimeve.
Armën automatike MP 5 mund ta përdorin vetëm pjesëtarë të forcave speciale për shkak të precizionit pasi është armë që vështirë mund të kontrollohet në qitje. Sipas hetuesve vetëm pjesëtarë të forcave speciale të RENEA, Reparti operacioneve speciale të ushtrisë edhe të GARDËS janë të aftë ta përdorin.
