Në mungesë të zyrtarizimit, është thuajse fakt se Matthijs de Ligt do të luajë për Bayern Munich nga sezoni i ardhshëm. Mediat gjermane e marrin si të mirëqenë operacionin pasi skuadra bavareze dhe Juventus ranë dakord verbalisht për pagesën e një shume fikse prej 70 milionë eurosh.
Një humbje shumë e ndjeshme për mbrojtjen e bardhezinjve, e cila këtë verë pa edhe Giorgio Chiellinin, i cili debutoi me LAFC mëngjesin e kësaj të hëne, i tha lamtumirë pas 17 vitesh në Torino për të provuar fatin në MLS të Amerikës së Veriut.
Pau Torres (Villarreal), Gabriel Magalhães (Arsenal), Gleison Bremer (Torino) dhe Nikola Milenkovic (Fiorentina) janë disa nga emrat që tregojnë nga Italia për të zëvendësuar De Ligt, i cili sezonin e kaluar luajti 42 ndeshje në të gjitha garat.
Pau Torres, më i shtrenjti
Spanjolli, me kontratë deri në vitin 2024, është opsioni i parë i Juventusit , por edhe më i shtrenjti. Qendërmbrojtësi, i cili ka edhe disa oferta nga Premier League, nuk do të largohej nga “nëndetsja e verdhë” për më pak se 50 milionë euro.
Gabriel ka qenë në objektiv prej muajsh për të përforcuar prapavijën e Massimiliano Allegrit , e cila aktualisht ka vetëm italianët Bonucci, Rugani dhe Federico Gatti, të huazuar te Frosinone nga Seria B vitin e kaluar. Për Mikel Artetën, rikthimi i Saliba në Arsenal pas huazimit të tij të suksesshëm në Olympique de Marseille mund të lehtësojë largimin e brazilianit nga Emirates Stadium.
Bremer nga ana e tij, praktikisht ka kryer marrëveshjen me Interin, ndërsa Milenkoviç është alternativa më pak tërheqëse, edhe pse ndoshta më realiste sot. Do të shohim se si do të zhvillohen ngjarjet, por ajo që duket qartë është se në Torino priten ditë shumë të ngarkuara.
