Laçi ka barazuar 0-0 me Petrocub në Moldavi, në sfidën e parë të turit të dytë të Conference League.
Situata për ekipin e Shpëtim Duros do vështirësohej shumë në minutën e 28-të. Spahiu bën një ndërhyerje naive ndaj kundërshtarit, me kryesorin që nuk heziton t’i japë kartonin e dytë të verdhë, çka përkthehet në përjashtim nga loja. Me interes pritet pjesa e dytë.
Pavarësisht rasteve të shumta, pjesa e parë përfundoi me rrjeta të paprekura.
Petrocub do e niste pjesën e dytë me mjaft dëshirë. Në minutën e 53-të, provon Sandu, por Dajsinani është në vendin dhe kohën e duhur.
Ekipi nga Kurbini, në inferioritet numerik e kishte të vështirë të dilte përpara, përveç ndonjë aksioni sporadik. Minutat kalonin dhe shifrat mbeten të pandryshuara. Skuadra e Tabanov rrit presion, por sërish në të 75-tën, Dajsinani u mohon golin.
Të vetdijshëm se kjo sfidë mund të zgjidhej edhe personalisht, një inkursion fantastik i Mentor Mazrekaj për pak sa nuk përfundoi me fund të lumtur. Goditja e tij shkon shumë pranë rrjetës, duke të krijuar iluzionin e golit.
Në minutën e 82-të, Velkovski largon topin në vijën fatale, me Laçin që është me fat.
Kualifikimi mbetet i hapur dhe gjithçka do vendoset pas pak ditësh.
