Merkato verore vazhdon ende, ndërkohë që klubet mundohen të finalizojnë tratativat e tyre brenda Korrikut, para se të nisin kampionatet.
Më poshtë janë disa nga titujt kryesorë për ditën e sotme:
“La Gazzetta dello Sport” e hap ditën me titullin “Lukaku: Inter, nuk do të lë përsëri”. Sulmuesi belg ndihet shumë i lumtur në Milano dhe nuk mendon më për tu larguar nga zikaltërit, por për të qëndruar sa më gjatë.
“Max apo Charles, cili do të fitojë” është titulli i “Quotidiano Sportivo”. Këtë të diel do të zhvillohet gara e F1, Çmimi i Madh i Francës, ku protagonist priten të jenë sërisht pilotët në fjalë.
Gazeta madrilene “AS” ka shkruar “Supermeni Rudiger”. Mbrojtësi gjerman ka çuditur me formën dhe forcën e tij gjatë seancave stërvitore, dhe ekipi madrilen pret shumë nga ai në ktë sezon.
“Dybala si CR7” është titulli i “Corriere dello Sport”. Ylli argjentinas është pritur si mbret në ekipin e tij të ri dhe tifozët janë dashuruar menjëherë me të.
“Lewandowski, konfidencial”, me këte titull hapet katalanasja “Mundo Deportivo”. Evolucioni i gjendjes së tij fizike, ka luajtur një rol kyç në karrierën e tij.
Anglezja “Mirror Sport” ka shkruar “Nuk mund të luaj më për blutë”. Trajneri Frank Lampard duket tepër i zhgënjyer nga skuadra e tij, Everton, pas humbjes turpëruese 4-0 ndaj Minnesota, një ekip amerikan.
“Kounde, vendimi final” është titulli i “Sport”, tashmë vendimi i përket mbrotjësit francez, nëse do të zgjedh Barçën apo Chelsean.
Prestigjozja “Marca” ka shkruar “Këtu mund të shihni frymën e sakrificës në çdo stërvitje”, kështu është shprehur Axel Witsel në intervistën e fundit për klubin e Atletico de Madrid.
