Lumturi Ratkoceri, e njohur edhe si vjehrra e Floriana Garos, reagon shpesh në rrjete sociale. E angazhuar me politikë, Ratkoceri ka sulmuar më parë ish-kryeministrin Berisha, edhe pse nusja e saj shfaqet shpesh në krah të Berishës në daljet publike.
Së fundmi Ratkoceri ka bërë ironi me ish-presidentin Meta nëpërmjet një statusi në Facebook.
“Zot të lutem mos na lër pa Ilirin, ka luftuar aq shumë për ne”, ironizon vjehrra e Floriana Garos.
Ajo vazhdon me ironinë duke shprehur se Meta ka sakrifikuar për t’i sjellë popullit këtë jetë të mrekullueshme që “gëzojnë”.
Ratkoceri e mbyll statusin me një “urim” për Metën: Marrsh nga ditët tona o kreshniku i Malit me Gropa dhe i raketave ruse!
