Ardhja e Neymar në Barcelonë nga klubi brazilian Santos vazhdon të zgjojë interesin e gjykatave spanjolle.
Lojtari i Paris Saint-Germain do të gjykohet një muaj para fillimit të Kupës së Botës në Katar me autoritetet tatimore që pretendojnë se Neymar i shmangu taksat pas lëvizjes së tij nga Brazili. Autoritetet tatimore spanjolle po kërkojnë të dënojnë Neymar me dy vjet burg dhe po ashtu kërkojnë 10 milionë euro dëmshpërblim nga lojtari. Sipas El Pais, seanca do të zhvillohet më 17 tetor në Barcelonë.
Prokuroria beson se një shumë prej 8.4 milionë eurosh i është shmangur taksave gjatë transferimit të Neymar nga Santos te Barcelona.
Përveç kërkesës së Thesarit, kompania braziliane DIS, e cila pretendon se zotëron 40 për qind të të drejtave të lojtarit (të blera kur ishte 17 vjeç), po kërkon gjithashtu që lojtari të vuajë pesë vjet burg, si dhe të kërkojë rimbursim prej 150 milionë euro.
Përveç Neymarit, akuzohen edhe prindërit e tij, dy ish-presidentët e Barcelonës ,Sandro Rosell dhe Josep Maria Bartomeu, ish-trajneri i Santos dhe Barcelonës si entitet.
Sipas informacioneve të El Pais, autoritetet tatimore kërkojnë një dënim me dy vite burg për babain e Neymar dhe një vit për nënën e tij.
