Teksa lufta në Ukrainë po vijon që prej 24 shkurtit të këtij viti, personazhi që ka rrëmbyer vëmendjen e gjithë botës është padyshim presidenti Volodymyr Zelensky.
Zelensky ka udhëhequr me sukses deri më tani një rezistencë popullore kundër ushtrisë së Vladimir Putinit.
Por papritur, Zelensky së bashku me gruan e tij dhe Zonjën e Parë, Olena Zelenska u shfaqën në kopertinën e revistës së famshme Vogue America.
Kjo ka ndezur gjakrat në rrjete sociale teksa të shumtë ishin ata që thanë se ‘njerëzit po vuajnë’ dhe se kjo lëvizje ishte tejet e patakt.
Në intervistën e tyre çifti ka folur për gati dy dekadat e tyre të martesës si dhe jetën në familje, sfidat si pasojë e luftës në Ukrainë etj.
Por si pjesë e kësaj interviste ata kanë bërë edhe një ‘seancë fotografike’ , një praktikë e zakonshme kjo, për këdo që bën një interiviste me revistën Vogue.
Një tjetër foto tregonte gruan e Zelenskit, e veshur me fustan të zi dhe pallto, duke pozuar para rrënojave të shkaktuara nga lufta, ndërsa ushtarët e ruanin atë, dhe kjo i ka shtyrë shumë njerëz ta kritikojnë Presidentin e Ukrainës dhe Zonjën e Parë.
“Gjatë një lufte, ju ose qëlloni kundërshtarin tuaj ose ju qëlloni… ” nga Vogue. (PS: Asnjë baba i flokëve dhe grimit nuk u dëmtua në krijimin e këtij kopertinë)”, shkroi një person në Twitter së bashku me një filmim një foto nga fotosesioni i çiftit për Vogue.
“Lufta nuk është Instragram”, “Lufta nuk është modë!”, “Ka njerëz që vuajnë”, ishin disa nga reagimet.
Ndërkohë një tjetër komentues shkruante me ironi se: “Asnjë nga punonjësit e grimit dhe flokëve nuk u dëmtuan gjatë krijimit të kësaj kopertine!”.
