Mitro Çela
Nga cikli: Njerëz të thjeshtë
Pallati 55. Rruga “Myslym Shyri.”Karshi Rajonit të Policisë.
Pallati u ndërtua në vitin 1966. Nga më të bukurit në Tiranë.
Në shkallën e katërt banonte Ledia Shahollari.
Një nga femrat më të bukura të Tiranës.
Në vitin 1972 u fejua me djalin e ministrit të Mbrojtjes-Beqir Balluku.
Si ndodhi kjo fejesë jashtë bllokut?
Shkak u bënë mamatë.
Gruaja e Beqir Ballukut punonte tek ndërmarrja artistike “Migjeni”.
Atje punonte edhe mamaja e çupës.
Dy gratë ishin shoqe të ngushta…
Dhe u bë fejesa.
Një pasdite isha në ballkon. Kullosja sytë.
Për një çast rrugica u mbush me kalecë.
Sikur mbinë nga dheu.
Pastaj, tek hyrja e pallatit ndaloi një benc i zi.
U hap dera.
Zbriti një burrë me kapele republike.
Në qafë një shall. Ministri i Mbrojtjes.
Nëpër shkallë sa nuk u përplas me mamanë.
-Më tromakse, lugat!- tha mamaja dhe u fut me vrap në shtëpi.-
Kush ishte ky malukat?
Më trëmbi!
Sa nuk më mori shurra shalët!
-Ishte Beqir Balluku!
Shkon të kërkoi dorën e Ledias për djalin?
Por një ditë Beqir Balluku ra nga fiku.
Gjyq. Dënim. Pushkatim.
-Nuk ishte kësmet të hante dervishi lepur,- tha mamaja.-
Por çupën e kemi si drita!
Djemtë nuk do e lënë të bjerë në tokë.
…Dhe i doli fjala. Ledia u martua me portjerin e me “Dinamos”.
1.
Në katet e para u dhanë shtëpi evgjitëve.
Pati shumë thashatheme.
Pse? Qysh?
E di Enver Hoxha pse jevgu shihet si jevg?
I qëndisën një letër shokut Enver…Letra ra në dorë të Nexhmie Hoxhës…
E hodhi në zjarr…
Thonë që tha: Kur jevgu u bë mbret, vrau të atin?!
Kaluan 35 vjet. Jevgu i bë pasanik. Katet e para u bënë dyqane.
-Enveri e dinte që do vinte kjo ditë, prandaj na ndillte egjyptianë,- më tha një jevg.
-Sot jeton si pasha. Ha e pi.
Bën kalamaj duke shkëmbyer jevgat.
Luan bixhos duke bërë rrush e kumbulla qiratë që merr nga dy dyqane.
3.
Në katin e pestë banonte një çift i “shqyer”.
-Nusja – si koqe kumbull.-Thoshte mamaja.
-Burrë ziu, Guriu, duhet të vërë hallatet në legen me ujë të vakët!…
Që të “hajë” kumbulla!…De!
Ne nuk dinim a duheshin si çift. Kishim prova që ziheshin.
Një ditë nga dritarja fluturoi dysheku.
Pastaj jorgani me këpucët e Guriut!
-I thoni Guriut, të mos rrijë afër penxheres!
Mund ta bëjë nusja të fluturojë nga kati i pestë!-Tha mamaja.-
4.
Kati i tretë. Banonte një jevgë nga Përmeti.
Një ditë motra ime Drita u zgjodh keshilltare.
U mblodhën banorët e pallatit. E para foli jevga:
-Drita ka lindur në Mbrezhan. Përmet.
Rrjedh nga një familje e varfër.
Pa shtëpi.
Pa katandi.
Herë me bukë e herë pa bukë…
-Jevgë e dreqit! Kemi pasur edhe yzmeqar në shtëpi…
-Në fshatin tonë, ishte turp të ishe i varfër. -Na tregoi mamaja.-
Ndryshonte puna kur ishte ndonjë sakat a jetim.
Ata i ndihmonte i gjithe fshati.
Jevga kishte dy vajza.
Njera flinte në këmbë.
Tjetra seksi.
Një ditë më thërret në zyrë drejtori i policise Shyti. Miku im i vjetër.
-Zyra tona janë është karshi dhomës së vajzës.
Herë pas here ajo xhvishet lakuriq .
Fërkon cicat para pasqyrës. Fut duart mes shalëve.
Policët harrojnë detyrën dhe mastrubohen?!
-Po ti, mbyll sytë?
-Lëri shakatë? Si tja bëjmë?
-O leri policët të forcojnë kyçin e dorës, ose merni zyra të reja?!
Kati i gjashtë.
-Mitro!- E di ti, që Xhina, e ka bërë shtëpinë kuplara!( Bordello). Mbledh rospiet e Tiranës? -Më tha mamaj.-
Një pasdite ngjita shkallët. Trokita. E hapi Xhina.
Më shumë e xhveshur se e veshur.
-Futu të shikosh Amerikën pa pare! Të kemi komshi?
Nuk mbaj mend u futa brenda, apo zbrita shkallët!
Sklerozë?!
Një ditë po rrija në ballkon me mamanë.
Para syve na kalloi një varg me salçiçe.
-Është kuçka e vogël,- tha mamaja.- Ndjell zagarët.
-Ku e gjen vargun me salçiçe?
-Mamaja i punon në Kombinatin e Mishit. Vjedh?
Si?
I fut salçiçet në brekë?
-Po rojet e kombinatit?
-I ka kodoshë. Nuk u merr para kur i fut në krevat dhe hap shalët?!
Një ditë bitisi policia! Arrestoi mamanë. Dy muaj burg…
Shtëpia bordello nuk u mbyll:
punonin gocat?!
Shkalla Nr 3. Kati Nr 3. Hyrja Nr 5. Në derë shkruhej: Familja Çela.
Apartamenti ishte 66 metra katror. Jetonim dy çifte e gjysëm.
1.
Unë me Ezmerkën. Shtuam edhe një djalë.
2.
Vëllai Simoni me gruan: Ditën.
3.Mamaja e ve.
Për frymë na binte nga 10.1 metra katror!
Mamja jetoi 40 vjet me burrë dhe 40 vjet e ve.
Na thoshte:
-Nuk më merr burri me vete! Me siguri ka zënë ndonjë çupë të njomë andej?!
Nuk e bëj me faj.
Burri nuk jeton dot pa grua?!
Gruaja- vetë “digjet”.
Vetë “shuhet” …Kur nuk ka vegla, de!
Kishim një nevojtore. Jo rrallë zinim radhë.
Një ditë u fut mamaja.
Mbaroi punë.
Doli.
U fut Dita. Nusja e vëllait.
-Uaa! Çfarë ere!
-E po unë nuk bëra pilaf,-tha qetë-qetë mamaja.
Shkalla e gjashtë nuk kishte VIP-a. Por kishte “shtëpinë e të marrëve.”
Historia nisi si tragjedi. Një ditë autobuzi shtypi babanë.
Familjen e mbyti varfëria. Tre djem e dy vajza.
Pranverë. Vajza e vogël 6-7 vjeçe. Duke dashur të kapercejë rrugën, e shtypi makina.
E rëndë. Në shtëpi bëri strehë “marrëzia”.
Në fillim “shkau” Gaqi, vëllai i vogël.
Më vonë vëllai i madh- Fredi.
Pastaj motra…Të marrë…
Por paqësorë.
Vinin vërdall…
Të lumtur, brenda marrëzisë…
