Një 25-vjeçar i identifikuar si I.L., është arrestuar nga policia pasi posedonte dhe shpërndante lëndë narkotike në zona të ndryshme të qytetit të Tiranës. Ndërkohë janë vënë nën hetim në gjendje të lirë dy të rinjtë e identifikuar si K.A., 22 vjeç që akuzohet për prodhim e shitje narkotikësh dhe C.D., 20 vjeçe që akuzohet për ‘Moskallëzim krimi’.
Në vijim të veprimeve, gjatë kontrollit në banesën e 25-vjecarit, shërbimet e Policisë kanë gjetur dhe sekuestruar në cilësinë e provës materiale 3.4 kg lëndë të dyshuar narkotike cannabis sativa. Vijojnë veprimet hetimore për dokumentimin e plotë të veprimtarisë kriminale të shtetasit I. L.
Materialet i kaluan Prokurorisë, për veprime të mëtejshme.
