Viti i ri akademik 2022-202 për institcionet e arsimit të lartë do të fillojë më 17 tetor dhe do të mbyllet në datën 29 shtator 2023. Kështu ka njoftuar Miniistria e Arsimit dhe Sportit ditën e sotme.
MAS kërkoi nga institucionet publike të arsimit të lartë që në përfundim të regjistrimit të kandidatëve fitues, të dërgojnë në të gjitha ndërmarrjet “Trajtimi i studentëve” sh.a., listën e studentëve të regjistruar sipas programeve të studimit dhe fakulteteve përkatëse.
Këtë vit, 21 mijë maturantë do të ulen në auditoret e universiteteve shqiptare. Pas mbylljes së procesit të përzgjedhjes së degëve në formularin A2, ekspertë në Ministrinë e Arsimit tregojnë se cilat janë programet më të preferuara nga të rinjtë.
Në të gjithë programet e arsimit të lartë, në vitin akademik 2021-2022, morën pjesë 73 mijë e 493 studente femra, ose 59,3 për qind e numrit të përgjithshëm të studentëve në arsimin e lartë. Kurse në programet Bachelor, për të njëjtën periudhë, kanë marrë pjesë në arsimin e lartë 72 mijë e 852 studentë, duke shënuar një ulje prej 2,1 për qind krahasuar me periudhën 2020-2021.
