Katër pushues, tre prej tyre të mitur janë shpëtuar ditën e sotme nga Policia Kufitare në plazhin e Shëngjinit.
Bëhet me dije se dy të miturit, 12 dhe 13 vjeç, ishin larguar me kamerdare rreth 1, 2 milje larg bregut, dhe po vështirësoheshin për t’u kthyer në breg.
Ndërsa një baba 45 vjeç me të birin 10 vjeç, shqiptarë të Kosovës, ishin larguar po ashtu rreth 1 milje larg bregut me komerdare dhe rrezikonin të mbyteshin.
Në një situatë të tillë policia Kufitare ka mbërritur me mjet lundrues për t’i shpëtuar qytetarët.
Policia Kufitare bën me dije se të katër personat ndodhen në gjendje të mirë shëndetësore, ndërsa u bën apel qytetarëve që të bëjnë kujdes në det.
