55-vjeçari Ilirjan Gavelli është punonjësi i Inspektoriatit të Mbrojtjes së Territorit që u plagos me armë zjarri pasditen e sotme në Tiranë.
Policia thotë se autori Qani Muça është prangosur menjëherë pas ngjarjes. Konflikti ka ndodhur pasi IMT i kishte shembur banesën Muçës. Ky i fundit e ka qëlluar me pistoletë punonjësin e IMT-së.
Gavelli ka marrë një plumb në bark dhe është dërguar me urgjencë në spital ku ndodhet nën kujdesin e mjekëve.
Ngjarja e rëndë ka ndodhur në kryqëzimin mes rrrugëve “Todi Shkurti” dhe “Kristaq Capo”.
Informacion nga Policia mbi ngjarjen:
Plagosi me armë zjarri një punonjës të I.M.T-së, shërbimet e Komisariatit të Policisë Nr.1 kapin dhe shoqërojnë menjëherë autorin e dyshuar.
Policia sekuestron dhe armën e zjarrit pistoletë, e cila dyshohet se është përdorur gjatë kryerjes së krimit.
Më datë 12.08.2022, rreth orës 17:30, në kryqëzimin e rrugës “Todi Shkurti” me rrugën “Kristaq Capo”, shtetasi Q. M., 55 vjeç, dyshohet se ka plagosur me armë zjarri, punonjësin e i IMT-së, shtetasin I. G., 52 vjeç, i cili sapo kishte përfunduar ekzekutimin e një vendimi.
52 vjecari është dërguar në spital dhe ndodhet nën kujdesin e mjekëve.
Autori është kapur nga shërbimet e Policisë dhe është shoqëruar në komisariat, së bashku me armën e përdorur gjatë kryerjes së krimit, për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të ngjarjes.
