Pa u mbushur ende dy jave nga ngjarja e rëndë e ndodhur në Potam ku humbi jetën 7-vjeçarja, Jonada Avdia pasi u përplas nga gomonia që drejtohej nga ish-shefi i Komisariatit të Himares, Arjan Tase një tjetër mjet lundrues ka rrezikuar jetën e pushuesve.
Në një video të shpërndarë nga ‘Piranjat’ duket një tjetër skaf ndodhet pikërisht në të njëjtin vend ku humbi jetën Jonada.
Siç duket edhe nga video, skafi është i mbushur me njerëz dhe lëviz i pashqetësuar përmes pushuesve që po lahen në det. Situata vijon të mbetet e rëndë dhe thuajse çdo ditë vijnë denoncime për shkeljen e rregullave të lundrimit nga jet ski apo gomone që lëvizin të pashqetësuar.
