Autoritetet gjermane po përgatiten për ndërprerje të tjera në transportin e mallrave për shkak të rënies së nivelit të lumit të Rinit, që tashmë ka arritur në pikën kritike.
Instituti Federal i Hidrologjisë (BfG) ka parashikuar se niveli i ujit në lumin Rhine do të vazhdojë të bjerë deri në fillim të javës së ardhshme.
Kapiteni Andre Kimpel ka ngritur shqetësimin se niveli i ujit në lumin Rhine ka rënë ndjeshëm ditët e fundit.
Disa shërbime tragetesh rreth qytetit Kaub janë detyruar të ndërpresin punën.
“Nuk është shaka,” thotë ai ndërsa lundron në ujin që shkëlqen në rrezet e diellit të verës. “Ne kemi 1.5 metra ujë dhe varka jonë është 1.20 metra e thellë. Pra, kemi 30 centimetra ujë të mbetur poshtë nesh.”
Në Gjermani, midis Këlnit dhe Mainzit, niveli u ujit është aq i ulët sa që asnjë anije nuk ka mundur të kalojë.
Probleme të transport janë hasur edhe në tre portet e Bazelit në Zvicër, në Muttenz, Birsfelden dhe Kleinhüningen. Të vetmet anije që janë lejuar të lundrojnë, tashmë mbajnë një të tretën deri në një të katërtën e ngarkesës maskimale të pranueshme.
Mallrat që importohen nga lumi janë në rënie tashmë, ndërsa ekspertët paralajmërojnë se situata do të rrisë koston e transportit dhe si rrjedhojë rritjen e çmimeve të mallrave.
