Të kesh një treshe yjesh të Lionel Messit, Kylian Mbappe dhe Neymar në sulm nuk mjafton për PSG-në, pasi trajneri i ri Christophe Galtier tha se klubi po ‘punon fort’ për të marrë një përforcim.
Galtier ka konfirmuar se mungesa e Mauro Icardit nga skuadra në ndeshjen hapëse të Ligue 1 kundër Clermont ishte një zgjedhje taktike dhe sulmuesi është në listën e transferimeve. “Lëvizja në një vend të ri ju lejon të ktheheni në karrierën tuaj” – tha Galtier dhe shtoi se PSG është në kërkim të një klubi të ri për sulmuesin.
Icardi ka pasur vështirësi në Paris që nga ardhja e tij nga Interi në vitin 2020, ai ka shënuar vetëm 38 gola në 92 paraqitje për klubin.
Mbappe-Messi-Neymar do të luajnë së bashku për herë të parë këtë sezon të shtunën kur PSG mirëpret Montpellier në Parc des Princes.
Kylian është rikthyer në stërvitje të plotë këtë javë pasi humbi fitoren 4-0 të PSG-së ndaj FC Nantes në Trophee des Champions për shkak të pezullimit dhe fitoren e tyre 5-0 jashtë fushe në Clermont në fundjavën e parë të Ligue 1 për shkak të lëndimit.
