Nga lufta, veçse videove të shpërthimeve e bombardimeve në Ukrainë, ka edhe momente e ndodhi të tjera që bëhen kudo virale.
I tillë ka qenë rasti i fundit! Një video ku shihet një ushtar rus duke fjetur në pyll dhe u zgjua papritur teksa i ishte drejtuar arma nga homologu i tij ukrainas, është bërë virale në rrjet.
Ushtari i Putinit është duke pushuar i mbuluar me një batanije të kuqe, ndërsa një ushtar ukrainas, i cili me sa duket po kalonte fshehurazi nëpër një kamp të zbrazët rus, e ka pikasur. Ushtari rus zgjohet, largon mbulesën dhe sheh me tmerr ushtarin ukrainas që i drejton armën.
“Mirëmbrëma, unë jam nga Ukraina”, dëgjohet të thotë ushtari ukrainas.
Daily Mail raporton se nuk është e qartë se çfarë ndodh më pas pasi klipi përfundon sapo shfaqet fytyra e ushtarit rus.
