Jemi në fundjavën e dytë të sezonit të ri futbollistik dhe në javën e parë të disa prej kampionateve kryesorë. Sot nis Serie A dhe LaLiga të cilat do na dhurojnë disa ndeshje prej ekipeve më të mira dhe më premtuese në këtë sezon të ri, si : Milan-Udinese, Lecce-Inter djhe Barcelona-Rayo Vallecano. Spektakli ka nisur!
Ndjekim disa nga titujt kryesorë të mediave sportive:
“La Gazzetta dello Sport” hapet me fillimin e Serie A: “Një det me gola”. Një fillim si ky në kulmin e verës, 52 ditë futboll dhe më pas ndalesa për Kupën e Botës. Sot fillon një turne me milanezët në pole position me synim Scudetto-n e tyre të 20-të.
“Dëshira e çmendur” është titulli i “Corriere dello Sport”. Tifozët duket se kanë pritur për një kohë të gjatë rikthimin e Serie A pasi në Milano, Torino, Leçe, Salerno janë shitur 280 mijë bileta.
“Tuttosport” hapet me bardhezinjtë: “Depay + Paredes: Juve, ja ku po vijmë“. Bardhezinjtë janë një hap larg marrëveshjes përfundimtare me sulmuesin holandez, i cili do të largohet nga Barça.
“Në momentin e fundit” ka shkruar e përditshmja madrilene “AS”. LaLiga pranon regjistrimin e të gjitha nënshkrimeve të Barçës, përveç Koundé. Ekipi katalanas përgatitet për ndeshjen e tyre hapëse në LaLiga ndaj Rayo Vallecano.
Prestigjozja “Marca” sot si rrallë here ia kushton titullin kryesor një lojtari blaugranas dhe shkruan: “Këpuca e Artë sfidon kampionin”. Dy sulmuesit qëndrorë më të mire në botë, Benzema dhe Lewandowski, do të përballen me njëri-tjetrin këtë vit në LaLiga.
“Drita Jeshile” është titulli i katalanases “Mundo Deportivo”. Barça debuton sot në LaLiga me të gjitha nënshkrimet e regjistruara, përveç Koundé.
Edhe katalanasja tjetër “Sport” e mban fokusin tek Barça duke shkruajtur “Rroftë Liga e Iluzionit”. Barça e nis sezonin sonte kundër Rayos në Camp Nou me Lewandowski si yllin e madh.
Në Britani, “Mirror Sport” nxjerr në pah Blutë dhe Djajtë e Kuq tashmë nën presion në Premier League. “Duke ndjerë nxehtësinë”, Tuchel paralajmëron Chelsean se nesër do të përballet me dhimbjen e fytit dhe me temperaturë 36 gradë. Nga ana tjetër Ten Hag u kërkon fansave të mos bëjnë panik, por pranon se do të shqetësohej edhe më shumë nëse nuk do t’i interesonte.
