Ashtu siç kishte paralajmëruar Kina, vizita e Nensi Pelosit në Tajvan ka sjellë shumë tensione mes dy kombeve, ndërsa ushtria kineze ka filluar stërvitjet ushtarake pranë kombit ishullor.
Së fundmi, trembëdhjetë avionë të forcave ajrore kineze shkelën hapësirën ajrore të ngushticës së Tajvanit, tha më 13 gusht, ministria e Mbrojtjes e Tajvanit.
Një ditë më parë, Tajvani bëri të ditur se dhjetë avionë kinezë kaluan përgjatë ngushticës së ishullit.
Forcat ajrore të Kinës kanë fluturuar në mënyrë të përsëritur përtej linjës ndarëse ajrore gjatë javës së kaluar si pjesë e stërvitjeve ushtarake të organizuara pas vizitës së kryetares së Dhomës së Përfaqësuesve të SHBA-së, Nancy Pelosi në ishullin e pretenduar nga Kina, vizitë të cilën Pekini e kundërshtoi ashpër.
Edhe Tajvani ka nisur stërvitjet e veta ushtarake të enjten.
Sakaq, Ministri i Jashtëm i Tajvanit tha në një intervistë për Zërin e Amerikës se delegacionet ndërkombëtare janë “më se të mirëpritur” për të vizituar Taipein.
“Kushdo që dëshiron të vijë në Tajvan për të treguar mbështetjen e tij, është më se i mirëpritur të na vizitojë. Dhe kjo nuk duhet të ndalet nga Kina”, tha ai gjatë intervistës.
Kina ka thënë se Tajvani është pjesë e territorit të saj dhe se nuk do të tolerojë “veprimtaritë separatiste” në ishull, duke kërcënuar se do ta aneksoj me forcë nëse është e nevojshme.
