Një ngjarje e çuditshme ka ndodhur në Holandë, ku në sfidën midis Roda – Jong Ajaks, e vlefshme për Eerste Divisie, mbrojtësi i miqve kapi topin me dorë në mes të ndeshjes, duke shkaktuar një penallti të pakuptimtë.
Në minutën e 67’, portieri Kremers i pasoi topin mbrojtësit Piere dhe ky i fundit e mori me dorë për ta rregulluar në zonën e tij për të nisur lojën më pas.
Për këtë arsye gjyqtari akordoi menjëherë një penallti, e cila u shndërrua në gol nga Vente. Ky gol rezultoi dhe i vetmi në të gjithë takimin, duke i dhënë tre pikët Rodës.
Videoja e rastit u shpërnda menjëherë në rrjet, e cila dyshohet dhe si trukim.
https://twitter.com/ESPNnl/status/1558177969591537665?s=20&t=XmiVuMHhpYC0z_6XiGXsbQ
