Fundjava e dytë e sezonit të ri futbollistik na dhuroi disa ndeshje fantastike. Në Spanjë, Barcelona ‘ngec’ në barazim pa gola ndaj Vallecano kurse Real Madrid fiton në trasfertë me rezultat 1-2. Nga ana tjetër, në Serie A, Milan dhe Inter e nisën sezonin e ri duke i fituar përkatësisht ndeshjet e tyre. Fokusi i mediave sportive për ditën e sotme kryesisht do të fokusohet tek rezultatet e ekipeve në fundjavë.
Ndjekim disa nga titujt kryesorë të mediave sportive:
“La Gazzetta dello Sport” hap faqen e parë me Juventusin që sot do të sfidojë Sassuolon: ” Juve , asi i gushtit”. Allegri duhet të përgjigjet me fitore dhe sot do të mbështetet te Di Maria.
“Mourinho ka gjithçka” ka shkruar “Corriere dello Sport”. Romakët mbajnë ritmin me Milanin dhe Interin.
“Tuttosport” gjithashtu hapet me sfidën e Juventusit përballë Sassuolos sot: “Nata e Di Marias”.
“E nxehtë” është titulli i katalanases “Mundo Deportivo”. Bernardo Silva e detyron Barçën të aktivizojë nënshkrimin e tij duke i thënë lamtumirë tifozëve të Cityt.
Prestigjozja “Marca” ka shkruar “Madridi i zakonshëm”. Ekipi madrilen arrin një rikthim me vuajtje në Almeria.
“Lavdërim” është titulli i madrilenes “AS”. Një gol nga gjuajtja e lirë nga Alaba në topin e parë që ai preku kulmon rikthimin e Madridit.
“Ofensiva finale për Bernardo Silva” shkruan gazeta katalanase “Sport”. Barça nuk e ka mbyllur ende merkaton dhe kur të lehtësojë pagat, do të shkojë për mesfushorin e Manchester Cityt.
