Një ngjarje e pazakontë ka ndodhur në Turqi. Një vajzë, vetëm 2-vjeçe, ka vrarë një gjarpër në shenjë hakmarrjeje pasi ai e kafshoi në buzë.
Vogëlushja, e identifikuar me inicialet S.E., po luante në kopshtin e pasmë të shtëpisë së saj në fshatin Kantar, në Bingol, Turqi, kur britmat e saj u dëgjuan nga fqinjët. Ata nxituan për të ndihmuar vogëlushen, por sapo shkuan atje zbuluan se ajo kishte një gjarpër (50 cm) të shtrënguar në gojë dhe një shenjë kafshimi në buzën e poshtme. Pasi gjarpri ngordhi, fqinjët i dhanë ndihmën e parë vajzës dhe thirrën menjëherë mjekët.
Vajza e vogël u dërgua me urgjencë në Spitalin e Fëmijëve Bingol dhe tani është në gjendje më të mirë.
