Noizy mbajti para pak ditësh një koncert në Tiranë, të quajtur “Alpha Show”. Përpara mijëra fansave, performuan shumë artistë të huaj dhe shqiptarë, si Loredana Zefi, Ledri Vula, Ylli Limani, Dhurata Dora, Elgit Doda, Ardian Bujupi, Xhensila Myrtezaj, Mc Kresha dhe Lyrical Son, Finem dhe Solo, Kida edhe Stresi.
Një ndër momentet më kulminante nga koncerti ishte takimi i Noizy-t dhe Stresit të cilët i dhanë duart njëri tjetrit dhe u përqafuan në skenë.
Por sa shpenzoi artisti për këtë organizim? Vetë reperi tha për Euronews se u shitën mbi 18 mijë bileta dhe se kostoja e koncertit, ku ishte i vetmi sponsor gjeneral, ishte mbi gjysmë milioni euro.
“Ishte një shifër mbi gjysmë milionë euro, isha sponsor gjeneral vetë se nuk kishte njëri ta merrte përsipër. Ideja është që nëse nuk vjen me shifrën e duhur, më mirë mos e bëj. E vendosa nga fillimi që ato lekë do t’i investoja. Nuk prita që gjatë rrugës do nxjerr dhjamë nga pleshti, i quajtura të humbura ato para pavarësisht si do shkonte”, tha këngëtari.
I pyetur nëse i ka marrë mbrapsht ato para me koncertin, këngëtari tha se ende nuk e di se sa ka fituar.
