Një 40-vjeçar ka humbur jetën në Vlorë. Mësohet se 40-vjeçari është rrëzuar aksidentalisht nga një bordurë e Kuzum Baba-së, në lagjen “Hajro Çakërri” të Vlorës.
Identiteti i viktimës ende nuk dihet, ndërkohë që në vendngjarje ka shkuar grupi hetimor.
Policia bën me dije se ngjarja ndodhi rreth orës 16:30 dhe grupi hetimor vijon punën për identifikimin e personit dhe zbardhjen e plotë të rrethanave të ngjarjes.
Njoftimi i Policisë:
Më datë 16.08.2022, rreth orës 16:30, në lagjen “Hajro Çakërri”, Vlorë, në shkallët e Kuzum Baba-së, dyshohet se është rrëzuar aksidentalisht nga lartësia e një bordure, një shtetas ende i paidentifikuar, rreth 40 vjeç.
Grupi hetimor vijon punën për identifikimin e personit dhe zbardhjen e plotë të rrethanave të ngjarjes.
