Ndryshimet klimatike dhe pasojat e tyre duket se kanë nisur të ndihen më shumë se kurrë, kudo nëpër botë.
Një skenë e rrallë dhe tejet befasuese ka qarkulluar kudo ditët e fundit: Ujërat e rrëmbyeshëm mbuluan një pjesë të zonës Nafud Al-Dahi në shkretëtirën e Arabisë Saudite juglindore, një nga vendet më të thata në botë.
Pas disa ditësh reshje, uji e ktheu shkretëtirën në një oaz të lagësht. Kudo në rrjetet sociale qarkulluan video të skenës madhështore të ujit që rrjedh nëpër rërë
#النخبة| تدفق المياه الجوفية العذبة من باطن الأرض في صحراء #الربع_الخالي في حادثة نادرة الوقوع. pic.twitter.com/wlCPv7eoLJ
— النخبة الإخبارية (@NokhbahNews) August 17, 2022
Eksperti i motit dhe meteorologjisë Dr. Khaled Al-Zaqaq shpjegoi për Al Arabiya.net se bota po jeton në një epokë në të cilën ndryshimet klimatike janë bërë një realitet universal dhe i padiskutueshëm, duke theksuar se këto ndryshime po vijnë në mënyrë të pashmangshme.
Ai theksoi se Gadishulli Arabik do të jetë dëshmitar i këtyre ndryshimeve nga veriu në jug dhe nga lindja në perëndim të tij, duke përmendur ndryshimet e jashtëzakonshme që po përjeton pjesa jugperëndimore e Arabisë Saudite.
Ai shtoi se në të kaluarën ky vend quhej “Lagja e Zbrazët” për shkak se aty nuk kishte jetë, si pasojë e mungesës së shiut. Kohët e fundit ka filluar të bjerë shi çdo vit, dhe kjo është dëshmi bindëse se ndryshimet klimatike po vijnë pashmangshmërisht, sipas tij.
Epo, mesa duket së shpejti nuk do të jetë më “e zbrazët”…
