Jules Kounde ende nuk është regjistruar te Barcelona dhe duket se ka probleme serioze në lidhje me të.
Mbrojtësi francez iu bashkua gjigantit katalanas nga Sevilla në një shumë afro 60 milionë euro në këtë afat kalimtar veror, por që ende nuk figuron në regjistrin e La Ligës si lojtar i katalanasve.
Sipas asaj që raporton Diario Sport, Barcelona ka kohë që deri më 31 gusht që të regjistrojë Kounden. Në rast se Blaugranasit nuk ia dalin të bëjnë një gjë të tillë, atëherë francezi mund të largohet nga Camp Nou si lojtar i lirë.
Sevilla ende nuk e ka pranuar pagesën për lojtarin dhe ka gjasa që ai të rikthehet sërish te klubi spanjoll, por që pagesa duhet të ekzekutohet nga katalanasit.
Barcelona është afër shitjes së Pierre-Emerick Aubameyang te Chelsea, por kërkojnë 30 milionë euro për 33-vjeçarin, ndërsa këta të fundit ofrojnë vetëm 15 milionë dhe kartonin e Marcos Alonsos.
